შებრუნებული საკლასო ოთახი

              

ტრენინგის აღწერა
ხანგრძლივობა: 5 დღე - 4 საათი, სულ 20 საათი.

სამიზნე აუდიტორია: მე-2 კლასის დამრიგებლები. 

მიზანი: ტრენინგის მიზანია საინფორმაციო ტექნოლოგიების გამოყენებით სასწავლო რესურსის (ვიდეო გაკვეთილები, ელექტრონული წიგნები) შექმნა და გაკვეთილის პროცესში გამოყენება; მასწავლებლების მიერ მოსწავლეებისათვის ინფორმაციის მრავალფეროვნად მიწოდება, რათა თითოეულმა მათგანმა შეძლოს თემის შინაარსის სრულყოფილად აღქმა, გააზრება და გამოყენება; მოსწავლეებში 21-ე საუკუნის უნარ-ჩვევების (კრიტიკული აზროვნება, კომუნიკაცია და თანამშრომლობა, საინფორმაციო და ტექნოლოგიური უნარ-ჩვევები, ინიციატივა და დამოუკიდებელი/გუნდური მუშაობა, 

სოციალური და კულტურული უნარ-ჩვევები) ჩამოყალიბება; თითოეული მოსწავლისადმი ინდივიდუალური მიდგომის შემუშავება მათი უნარებისა და შესაძლებლობების შესაბამისად; ეროვნული სასაწავლო გეგმის სტანდარტების მაქსიმალური დაახლოება განათლების ევროპულ მოდელთან.

უპირატესობები:

• კომპიუტერული ტექნოლოგიების  მიზანმიმართული გამოყენება;
• კლასის მართვის გაუმჯობესება;
• მასწავლებელსა და მოსწავლეს, ასევე მოსწავლეებს შორის  ინტერაქციის გაზრდა;
• თითოეული მოსწავლისადმი ინდივიდუალური მიდგომა;
• მოსწავლის მიერ ბუნებრივი რიტმით სწავლა,  შინაარსის ღრმად წვდომა, დროის მართვა.

სერთიფიცირება: აუცილებელია მინიმუმ 16 საათზე დასწრება.

ტრენინგის მსვლელობის დროს მასწავლებლები ორი სხვადასხვა  თემის ირგვლივ ადგენენ გაკვეთილის გეგმებს, ეროვნული სასწავლო გეგმიდან გამომდინარე საზღვრავენ მიზნებს და შედეგებს,   ქმნიან ვიდეო გაკვეთილებს და ელექტრონულ წიგნებს.